الوسم: الخنازير

على العموم أخواتي بالامارات ..
سأنقل لكن الاحتياط الأمنية والتي نقلتها لنا أخت كويتية قبل البدء بالعام الدراسي كنوع من تخفيف حدة التوتر والقلق المترقب في بداية العام الدراسي

وإليكن التالي اقتباس كااااااااااااامل من موضوعها

شدوا حيلكم استعدوا وقوموا من الصبح

مش عايزة وحدة فيكم تأوول

يا لهووووي يا خراااااشي مفيش دوام وبنام بفراااشي

ترى إهيا انفلونزا عاااادية

بس هالمرة معاها رفيجها

خنزووور صغيروووون

عشان جذي سموها إنفلونزا الخناااازير ..

ودي أصدق بس قوية

تضربج حرااارة وبعدين تنسدحين بالفراش ويمكن تفطسين يمكن الله يسلمج منها..

بس جذي ماكو شي يخرع

إللي أقولكم عنه

الواحد يسعى ويتوكل على الله …والله الحافظ

يلى بسم الله نبدي

أولا..الدعاااء

أول ما تقومين الصبح قومي نشيطة

مو تقعدين تغنين للمخدة (( هلي لا تحرموني مناااااه ,,,هلي لا تبعدوني عنااااه ))

وعلى طول حصني نفسج بالأذكار والدعاء

بسم الله الذي لا يضر مع إسمه شيء في الأرض ولا في السماء وهو السميع العليم

أعوذ بكلمات الله التامات من شر ما خلق

اللهم باعد بيننا وبين المرض كما باعدت بين المشرق والمغرب

وأول ما تطلعين من البيت لا تنسين تقولين

بسم الله توكلت على الله ولا حول ولا قوة إلا بالله

وسبحانه من يتوكل عليه ما خااااب

ثانيا جهزي الآتي

معقم ديتول خليه معاج بالجنطة

الوقاية خير من ألف علاج

وياريت نفس الصورة يكون عليه خنزير

عشان ما يقولون متكبرة ….

يفهمون إنج خايفة من الخنزووورة الصغيرووونة

ثالثا ..عند الوصول للمدرسة

لا تنسين أول ما تحطين ريلج تقولين ..

بسم الله الرحمن الرحيم

وبعدها دشي وتوكلي على الله

أدري بتقولون فشلة

وآنا أولكم أحس فشلة

بس قد ما تقدرون

صافحوا فقط الرجااااء عدم التقبيل خاصة إللي تدرين إنها رادة من السفر

صافحي وعقمي بالديتول

صافحي وعقمي

صافحي وعقمي

صافحي وعقمي

صافحي وعقمي

تخيلي يصير فيج شد عضلي

ساعتها تتخنزررررين (( يعني يصير فيج إنفلونزا خنازير ))

رابعا ..إبتعدي عن التجمعات

خاااصة عند التوقيع

لاحقة بتوقعين ليش اللصقة والدز

إبتعدوا قد ما تقدرون

طااابور أحسن من اللصقة

ويا ريت يحطون لنا الخط إللي يصير عند الجوازات في المطار

ما تعدينه ليما يخلص إللي جدامج

وااايد عايشة الدووور

بس صج خط أحمر توقفين عليه ما تعدينه ليما توقع إللي جدامج

الله يكافينا الشر

وإن شاء الله ولا وحدة فينا تتخنزر

بعد هذا الدرس الطويل يلى يا شطار