السلام عليكم
يا ريت لو توصلون رسالتي للمنطقة التعليمية
أنا من مدرسة ثانوية .. الحين ما بقول اسمها .. بس لو ما حد تصرف بقوله عشان الناس يحكمون
قبل فترة كان في اجتماع للأمهات
والحين يقولون اللي حضرو الاجتماع بنزيدهم درجتين بأي مادة يختارونها
يعني مثلا لو وحدة يابت 92 بمادة واختارت هالمادة درجتها بتستوي 94
هالشي غلط من كل النواحي
يعني الدرجات تقيس المستوى التحصيلي للطالبة مو إذا حضرت الاجتماع او لا
أنا مو قصدي إني ما أريد الخير لزميلاتي اللي بيحصلون درجتين
كل اللي يهمني إن ما شي منافسة شريفة
يعني ظلم بالدرجة الأولى
ولو قلنا انه هالشي عادي كان المفروض يخبرون من قبل
أتمنى تتصرفون قبل رصد الدرجات
السلام عليكم ورحمه الله وبركاته،،،،،،،،،،
أنا معك أخيتي أما نحن في مدرستنا فليس هناك إجتماع اخبرتنا بذلك احدى المعلمات ولا اعلم لماذا؟ أتمنى أيضا لو تخبرون المنطقة
أخيتي الظلم واقع علينا ولكن أنا مثلك لاأعلم ماذا افعل صحيح يجب علينا إخبار المنطقة من اي ظلم واقع علينا ولكنهم يقولون إما ان تكتبوا رسالة او تحلوا الامور وديا فإذا قدمت الرسالة ستعلم المدرسة البنت التي اشتكت وسيضعونها في رأسهم والدرجات طبعا في ايديهم ،،،،،،،،،،، وان قلت وديا لم تتابع المنطقة الامر او لم يتغير شيء……………………والله المستعان وحسبنا الله ونعم الوكيل……ززز
صح كلامج أختي ….
يعني هذا ظلم في ظلم ، لو أنا منج ، كنت قمت و رحت لأقرب هيئة تعليمية أو وزارية و أشوف وين حاطين هالقانون أو الكلام اللي ماله أساس في قوانين المدارس ؟؟؟؟
يعني إذا أنا إذا أمي مريضة و ما قدرت تيي ما بحصل درجتين ؟؟؟؟ يعني هذا يفسد العلاقة بين البنت و الأم ..
يعني إنه البنت بتضارب مع أمها علشان ما يت المدرسة علشان درجتين ، ومو هذا و بس ..
أحيد قبل قال واحد من إخواني الصغار للوالدة …إنه إذا ما يت بينقصونا درجات … يعني هذا عدل ..
و لا بعد يقولون إنه "توطيد" للعلاقة بين المدرسة والأهل !!!
و أنا ما أقصد الإهانة ، بس هالشيء بيؤدي إلى تكاسل الطالبات عن الدراسة .. يعني الطالب بيحط في باله عشر دعوات للأمهات يعني رصيد عشرين درجة .. لو بهالشكل كنت بتكاسل و بربح عشرين درجة بس من خمس دقايق من الجلوس للوالدة ..
وين الرقابة عنهم ؟؟؟ وين الوزارة عنهم ..
هو الموضوع طويل بس مب حاب أطول عليكم . و أشكرج أختي عالموضوع …
"أحبج يا بلادي"
" النهر الباكي"
أشكركم وايد على مروركم وتعاطفكم ويانا
وأنا مثلكم أخاف أقدم شكوى ويحطوني على القائمة السودة!!
حسبي الله ونعم الوكيل
اللي يقدر يوصل الرسالة لمديرة المنطقة الله بحاسبه إذا ما وصلها !
رجاء حار إنكم توصلونها
أنا بحاول أوصل هالرسالة ، و إن شاء الله بيصير خير …
اقتباس:
المشاركة الأصلية كتبت بواسطة النهر الباكي  أنا بحاول أوصل هالرسالة ، و إن شاء الله بيصير خير …
|
شكرا جزيلا 
الله يوفقك دنيا وآخرة 
معقول وصل الحال في بعض المدارس لهذه الدرجة ؟؟!
الله المستعان ..
اعتقد انه مجرد تشجيع لحضور الامهات ولن ينفد فعلا
لا شكّ في أنّ ( الدرجات ) ليست من حقّ ( إدارة المدرسة ) تعبث بها متى تشاء، وتمنحها من تشاء.. ولعلّ ( منطقة الشارقة التعليميّة ) تلفت انتباه إدارة تلك المدرسة إلى أنّ الدعوة إلى ( مجالس الآباء والأمهات ) لا تحتاج إلى ( رشوة ) ولا إلى ( درجات ).. وأنا هنا أشدّ على يد ابنتي الطالبة التي طرحت ( الموضوع ) بصدق ووضوح، وعرضته على مائدة ( التحقيق ).
والله هذي الاشياء صارت تصير بشكل مستمر و ما كادرين نسوي شي بخصوص هذي المشكلة ما نقول غير حسبنا الله ونعم الوكيل
شكرا لكل اللي ردو
والله العظيم بيتنفذ .. أقولكم ليش؟ لأنه قالولنا إنه السنة الماضية طبقو (مادري ليش ما سمعت السنة الماضية – يمكن التطبيق بس على الثانوية العامة)
بس اللي قال هالشي الإدارة مو طالبات يقولون إشاعات
واللي يريد يعرف اسم المدرسة بخبره برسالة خاصة ما عندي مانع – يعني إذا حاب يتأكد
وإذا عادي أكتبه هني بكتبه . عادي؟
الإخوة الموجهين ما تقدرون تساعدونا ؟ يعني انتو وصلو الموضوع لمديرة المنطقة وخلها تتصرف
وأبي أعرف بنات مدرستي وينكم؟ إنتو تعرفون عن هالموضوع يعني ليش ساكتين ؟ ساندوني
شرايكم أكلم البث المباشر؟ يعني طبعا مو أنا اللي بتكلم (إدارة المدرسة ما تفرحون وايد ما بتعرفون منو أنا!)
يعني عالأقل في البث المباشر عادي يقولون اسم المدرسة ويمكن يكلمون المديرة بعد
ما عرف شو بسوي
اخوي النهر الباكي قولنا قدرت توصل المشكلة ؟
عزيزتي أؤكد على كلام أ. محمد مينو ، الدرجات ليست ملك لإدارة المدرسة تمنحها من تشاء و كيف تشاء ، لذا أرجو منك إرسال اسم المدرسة عبر رسالة خاصة لي ، و إن شاء الله سيكون ما يرضيكن .
أستاذة أروى لك جزيل الشكر
اسم المدرسة وصل على بريدك الخاص 
ما نقول غير حسبنا الله ونعم الوكيل
أشكر لك مرورك الشامسية
أستاذة أروى .. وصلتي مشكلتنا للمكان المناسب ؟
كااااارثة !!
تصدقون اليوم البنات قالو انه بزيدون البنات اللي حضرو الاجتماع درجتين بكل مادة !!
تصدقون .. أنا مقهووورة ! شو يعني لين متى الظلم بيتم ؟؟
صح ان هالشي مب حلو و يدل على العجز التام لدى المدرسة و فقدانهم الأمل ..
بس هالشي مايصير نعتبرة فرصة لجمع الدرجات (a)؟ حتى لو وحده حصلت كمن درجة .. المفروض تحبون للكل النجاح ..
لا تفروني بالجواتي و النعلة الى فيها كعب بليز p:
أخوي نحن نحب الخير لبعض ونتمنى أفضل الدرجات للجميع
بالعدل .. مو بالظلم
تعرف أخوي إن درجتين بكل مادة معناه 16 درجة ومعناه اثنين بالمية من المعدل
يعني الحين هذا عدل ؟
يوم أنا أتعب وأجتهد وأذاكر وأحصل درجات أنا أستحقها نفس يوم وحدة ما ذاكرت كثر ما أنا ذاكرت وحصلت نفس معدلي
هدية لمديرتنا اللي ظالمتنا واااااااااااااايد :
حسبي الله ونعم الوكيل
حسبي الله ونعم الوكيل
حسبي الله ونعم الوكيل
ترى الظلم ما يدوم
هلا والله بالاولاد الشاطرين
اقتباس:
المشاركة الأصلية كتبت بواسطة adore.life
أخوي نحن نحب الخير لبعض ونتمنى أفضل الدرجات للجميع
بالعدل .. مو بالظلم
تعرف أخوي إن درجتين بكل مادة معناه 16 درجة ومعناه اثنين بالمية من المعدل
يعني الحين هذا عدل ؟
يوم أنا أتعب وأجتهد وأذاكر وأحصل درجات أنا أستحقها نفس يوم وحدة ما ذاكرت كثر ما أنا ذاكرت وحصلت نفس معدلي
هدية لمديرتنا اللي ظالمتنا واااااااااااااايد :
حسبي الله ونعم الوكيل
حسبي الله ونعم الوكيل
حسبي الله ونعم الوكيل
ترى الظلم ما يدوم
|
انزين ماختلفنا في ان هالشي مب زين ..
بس عندج طالبات ضعيفات المستوى ..؟ اكيد بيفرحون بهالشي
انا من جي ماحب سوالف المنافسة في الدرجات 
لأني افضل اييب مجموع يدخلني الجامعة الى اباها و ينفعني و بس بلا هموم و مشاكل و فلان حصل مثلي و اقل و و و 
مع اني الحمدلله طلعت الأول و حد كان ينافسني و اعترف اني ماهتميت بهالشي ..
مع ان هاك الولد ياب مدرسين خصويين يدرسونه في المدرسة + أوراق الإمتحانات دوم عنده قبل الإمتحان و هالشي انا ماحصلته من غير إعادات الإمتحان .. مع ذلك الحمدلله مجموعي طلع اكثر بفرق بسيط
بس كان عادي .. اوكى فرحت .. و عقب؟
هو راح كلية و انا رحت كلية و هني عاد كل واحد و شطارته ~
مافكرت ابد بالثانوية وحسيت مااستفدت من شي غير المعدل النهائي ( معدلي نازل نوعاً ما كان ) بس كان يقدر يدخلني اي جامعة اباها و ها هو المهم لو يبت معدل 70% و طلعت الأول على كل منافسيني .. شو الفايده؟ فرحة اني طلعت الأول عليهم و غلبتهم و عقب اترقع يوم بقدم في الجامعةp:
احسني طلعت برع الموضوع ×.×
بس في النهاية يبقى قرار المعلمة غير قانوني لكن تقدرون تستفيدون منه ..
أخوي صج انه بكون في مصلحة الضعيفات
بس هذا بعد ظلم .. تدري ليش؟
لأنه إذا هم يبون نسبة معينة والإدارة تساعدهم بهذا القرار فنحن بعد نبي نسبة معينة
يعني اذا بزيدون مجموعة بزيدون الكل مو مجموعة وحدة
ومو الهدف من الاعتراض انه أطلع الأولى !
العدل يا خوي .. العدل .. يعني يقولون الظلم ما يدوم
المهم . بقولكم أخبار المدرسة
اليوم كانو مجموعة من البنات يصيحون ومجموعة يصارخون !
تدرون ليش؟ لإنه يقولون إنه الإدارة قالت ما يزيدونهم بكل المواد
بس مادة وحدة
يعني الحمدلله سار الظم عنا
ويقولون مجموعة طالبات سارو عند الإدارة واعترضو عالموضوع وحتى البنات خبروني منو هالبنات !
صراحة ما أتخيل عمري سايرة لمديرتنا وأعترض! بتاكلني قبل لا أتكلم
أختي الغالية أنا لن أدافع عن المدرسة لانني لا أعرف من أي مدرسة أنت و لكنني سأوضح لك نقطة و أطمئنك بها بأنه ليس من حق المدرسة اضافة أي درجة على الدرجات المخصصة لكل مادة فكل مادة دراسية لها توزيع خاص للدرجات و لا أظن ان حضور الأمهات اجتماعات المدرسة يندرج تحت فروع المواد لذلك أستسمحك عذراً لو اني تدخلت و لكني أردت أن أوضح لك فقط و إن كانت المدرسة قد أخبرتكم بذلك فذلك من باب تشجيع الأمهات على حضور الاجتماعات المقامة في المدرسة لأهميتهاو دمتم سالمين
بصراحة ظلم .. لان مب كل الامهات يقدرون يحظرون الاجتماع .. !!
بس المفرووض انهم يرفعون درجات البنات اللي نازل مستواهم مب اللي امهاتهم حظروو الاجتماع ؟!؟!
اختي الغاليه صاحبة الموضوع
اسمحيلي انا ما اعرف هالمدرسة ولا اريد اعرف
بس حبيت اقول انتي كتبت الموضوع على اساس انه كله كلام
يعني انتي سمعتيه وبس
شفتي بعينج او تأكدتي من الادارة من هالموضوع
ولا بعد بس سمعتي
يمكن يا اختي هذا اسلوب الادارة في التشجيع لأنه تعبت
اكيد انها فكرت بحلول اخرى
وما لقت غير هالحركة
لأنها تعرف الكل بيخاف من سالفة الدرجات خاصة اولياء الامور
فانا انصحج قبل كتابة اي موضوع
تروحي تتأكدي من الادارة ومن مدرسة تكون ثقة
واسمحيلي
