دعونا نتذكر ايام المدرسة موضوعي اليوم يستدعي ذلك اما بمواقف سيئة او مواقف رائعة جميلة جميعها انطبعت على ذاكرتنا ولا ننساها رغم مرور السنين
أتذكر موقف سيئ:
وهو يوم كنت في الصف الخامس كانت أبلة العلوم موقفتنا طابور في الساحة الخلفية ودخلت مكان (لا اذكر لماذا) يمكن كان المختبر هناك المهم كنا واقفين وهي كانت مهددتنا الي يتحرك بضربه (والمسطرة لا أخفي عليكم كانت الخشبية البنية الطويلة) لو تذكرونها المهم في بنات ما سمعوا الكلام او بالأحرى كانوا يبغون يشربون ماي (يمكن 4 او 5 بنات) المهم طلعوا من الطابور وشربوا الماي بعد ما رجعت الأبلة قالت منو الي تحركت من مكانها 
محد رد فقامت (الله يسامحها) تختار الي اونها شافتهم تحركوا من مكانهم وانا كنت في هالمرحلة وايد هادية يعني داخل الصف مول ما اتكلم المهم وقامت تختار فاختارتني انا (وحليلي) البنات كلهم استغربوا بس محد تكلم علشان ما تضربهم ضربتني هذاك الضرب وحليلي مرة ثانية
الموقف الي يضحك اني يوم وصلت المرحلة الاعدادية تعرفت على وحدة في الصف وعرفت ان ابلة العلوم الي ضربتني (تسوتي مرة عمها) خبرتها بالسالفة وخبرتها استحت من عمرها وقالت انا ضربتها ليش 
ما ادري اكيد نست
يضربون وينسون 
أنتظر منكم مواقفكم
بنت دبي
هههههههههههههههههههه
وحليلج والله
تراه الي يضرب ينسى والمضروب لو شو ماصار ماينسى
انا مره كنت فالصف الخامس بعد يالسه فحصت الرياضيات وسرحانه والعب بالقلم
والمعلمه الله يسامحها ماقالتلي شي ع طول كف طير ويهي وخذت القلم وكسرته
تخيلوا عاد لو انا من الزيغه مت شو كان بيستوي ههههههههه
حشا والله حد ماعنده اسلوب
بس ماادري ليش كنت احبها واموت ع الرياضيات
يمكن ع قولتهم كفن صفعني نفعني
الصراحة أنا كنت أسمع الكلام….ماذكر موقف طريف معين
بس مره اذكر اني و ربيعتي تأخرنا عن الحصة….
كنا ف المسرح نعدل حق عيد الاتحاد
كل الصف وصل قبلنا….انا و ربيعتي تأخرنا عشان نغسل ايدينا من الالوان
و يوم وصلنا الصف المعلمه معصبه وماطاعت ادخلنا….
بعد ما رمستها الاخصائية دخلنا…..
وسلمتم
وحليلج teacher لا انا ما جد صفعوني والله بعض المعلمات ما فيهم رحمة صف خامس تصفعها فجأة!!
موقفج (الاصرار للتغيير ) استوالي اكثر من 10 مرات يمكن في حصص الاحتياط صف ثاني ثانوي
زين يوم دخلتكم وساعدتكم لاخصائية
انا صراحه كنت قائد المشاغبين
والحين اشوف الطلاب يسوون حركات اضحك واقول كما تدين تدان
ومواقفي وايده
اذكر مره كان في مطر واخر الدوام والكل يبا يطلع ومب قادر من المطر وقمت طبعا انا بو الافكار وشلت وسيله معلقه وحطيتها عرساي ومشيت تقول ملك وسط الساحه وكلها دقيقه الا وكل الطلاب بالساحه وعلى روسهم الوسايل وباليوم الثاني الصفوف خاليه من الوسائل
الله ياخذ بلييسج بنت دبي
شو بيقولون عنا الطلاب؟؟
ههههههههههههههههه
ماعلييه مدير عيناوي
عشان مانلووم الطلاب وحليلهم انا دايما اوجدلهم الاعذار وخصوصا اذا انخشوا ياكلون تحت الطاوله
يذكرون بما قد مضى
كنا نعتبره انتصار اذا كلنا وماكشفونا
مب سهل مدير عيناوي عيل تستاهل الي يسوونه فيك الطلبة (اسولف وياك) بس احسها فكرة ذكية واحس كانوا يشوفونك المثالي في الأفكار والدليل سرعتهم في الاستجابة بالي سويته
أتمنى ان طلابك ما يقرون الي كتبته
شكرا لتفاعلك معنا teacher_1 نعم يستويلنا مثل ما كنا نسوي بس شو نقول للي كانوا هاديين ما يخصهم
السلام عليكم ورحمة الله وبركاته
أولا : أحييكم على صراحتكم والله كشفتوا عماركم
ثانيا : أنا ماأذكر إني انضربت إلا في الصف الأول كانت عندنا مدرسة شريرة إلي مايحفظ من أول مرة تضربه كنت ما أحب هذي المعلمة لأنها ضربتني..
وكنت مرة غايبة عن المدرسة وكنت في الصف الثالث واليوم الثاني نادوا أسماء الغايبات في الطابور وضربتنا المديرة بالمسطرة وتأثرت كثيرا مع العلم إني كنت ماأغيب إلا نادرا .. هذه المواقف ماأنساها أبدا ..
موضوع حلو…
مره كنت في الصف الثاني الابتدائي و كان في قسم حق اطفال الروضة فمدرستنا
و يوم اليهال مال الرضوة و دشوا صفنا و شخبطوا على كراسي…
يوم يت الابله تصلح قالت منو سوا هذا… قلت لها يهال الروضة شخبطوا عليه… قالت انتي جذابه مب اطفال الروضة اكيد اهملتيه و فريتيه في البيت و حد شخبط عليه…
ف صف ثاني بعد مزهبه ثياب الرياضه من فليل و سبحان الله نسيتهم… يت السكرتيرة و حاست لي اني لين ما صحت و احمرت اذني و تم اتحر و تبرد خخخخخخ حليلها
كنت افرح يوم يحطون لي نجوم خخخخخخ و ستيكرز في دفتري لول
تحياتي
مرة من المرات كنت بالصف الثامن وكانت مدرسة الانكليزي مجنونة أو ممكن نقول مريضة نفسية الله يعينها فقدت أخوها وأبوها وزوجها بيوم واحد بحادث سيارة فأثر فيها ونازلة ضرب فينا من غير سبب يعني ضربتني كف مثلا لأني رفعت يدي لأجيب على التمرين لازم هي تسأل وهي تجيب الله يسامحها كان عندنا شلة شقيات وبينما كنا نصعد الدرج وإذ بصرصار نعم صرصار فأخذته إحداهن بكلينكس ووضعته بدفتر الغياب جاءت المعلم لتوقع وإذ بالصرصار أمامها ! تتصوروا ماذا فعلت ؟ سكتت وأخذت تلقي بالدفتر على من تشك بها والتي تصرخ تعرف أنها تعلم محتوى الدفتر والتي صرخت نزلت الإدارة وتحقيق وسين وجيم وكانت النتيجة طرد ثلاث أيام لثلاث بنات المصيبة لما كنا نشتكي عليها للمديرة كانت تقول قطع الأعناق ولا قطع الأرزاق فما رأيكم يا سادة يا كرام
تييجير
بنت دبي
صدقووني هذا غيض من فيض عقولتهم
صراحه كنت مشاغب بالمدرسه
بس كانوا الحمد لله يحبوني حتى المدرسين
بعد اذكر قصه طويله بس صراحه ماروم اكتبها
بس خلاصتها مدرس الانجليزي عصب علينا وبدا يريد يطلع المشاغبين للمدير وتم يختار ويختار وانا نزلت راسي ولا انتبه لي وفصلوهم مساكين الربع ولما جاء المدرس باليوم الثاني شافنى وصرخ وقال وانته شو مخلنك هنيه؟؟ ليش مافصلوووك
وطبعا عقبها احترمت نفسي وتميت هادي
وسلامتكم
أشكركم جميعا على اضافاتكم الرائعة ومواقفكم الأروع
معلمة
الشامسية
معلمة لغة عربية
مدير عيناوي (المشاغب)
تسلمين بنت دبي ..موضوع حلوووووووووووو بس يطلع الفضايح وانا نص طالباتي اهنيه
هههههههههههههههههههههههههههههههههههههههههههههههههه ههههههههههههه
بمعنى اليوم اللى عقبه المدرسة كلها بتعرف الموقف اللى بكتبه ههههههههههههه
شو اختار لكم ..بختار أخف المواقف لأنى كنت هادية جداً والعكس صحيح ( من تحت لتحت)
كنا عندى شلة في الصف الثاني ثانوي وكنت انا وربيعتى الثانية أشطر ثنتين بالشله فى هذه المادة تعرفون شو كنا
انسوى انبدل الأوراق والمعلمة مو منتبهة وفجأة اتشوفنى وتنصدم انا الشاطره كيف أسوى
هالحركات وعطتنى محاضرة طويلة وعريضة وقالت برسبج ومن يقول صياح وترجي كنت مصرية أخاف على الدرجة
هههههههههههههههههههههههههههههههههههههههههههههههههه ههههههههههههههههههه
وعقب سامحتنى بشرط ما اعيدها ومنها حرمت ألتفت لحد في الامتحانات
أأأخ لو طردوك يا مديير جان بتحرم ترفع عيينك بعد
يا بهيه شهاب والله ذكرتييني نفس السالفه كنا نسويها بأول ثانوي
كنت احل ع ورقة االاسئله بس بشكل مختصر واعطي الي ورايه وتم الورقه تلف لين مازخونا وخلو كل طالبه تكتب اسمها ع ورقة اسئلتها ويوون يفتشوون
حليلي ماكنت اغش بس اغشش
الا اذا كلمه طايره منيه ولا مناك شسوي عاد غصبا عني دخلت فاذني
ههههههههههههههههههههههههههههههه
( بخبركم عن سالفه استوتلي فالجامعه…
انا مااعرف اغش ودايما اشوف اربيعاتي في الكلاس يغشن وانقهر
مره انا وربيعتي الي دوم وياها قررنا نسوي نفسهن ويلسنا ويا الشله نكتب براشييم( بس المشكله ماشوف الخط الصغيير خخخخخ ) ودخلنا الامتحان الناس عندهم خبره وانا وربيعتي عاد الا بنجرب ارضاء غرور بس….. وجان يشوفنا الدكتور ع طول خخخخخخخخ والله وحليلنا وجان يقول الي عندها شي تيوده وجان اقفط ههههههههههههه ومن عقبها تووووووووووووووووووووووووووبه حتى افكر …اما الاستاذ قام يفتش ع كل كلاس يكون عنده امتحان …قالن البنات شو سالفته الاساذ كله يفتش كان ييلس يقرا كتب وجان أخبرهن … زين ماكلوووني …خربت علييهن خخخخخخخخخخخخخ
هية شهاب هذا الموقف من اخف المواقف عيل الثقيلة شو بتكون؟؟!!
عموما أشكرج وياويلج من طالباتج
teacher 1 أشكرج على موقفج تقلدينهم وما عندج خبرة زين ما زخوج
لاحظت الجميع ذكر مواقف سيئة يعني هذا بس الي ما نسيتوه ما مر عليكم موقف زين
أكيد انا الغلطانة لاني ماذكرت غير موقف سيئ
اليوم بذكر لكم موقف جيد وهو:
يوم كنت في صف ثاني ثانوي كانت تدرسني مدرسة درست اختي قبلي بسنة وكانت تعتبرني مثلها عاد اختي كانت وايد شاطرة ما شا الله عليها فكانت تعتبرني مثلها وهالشي كان لصالحي الحمد لله المهم هي تدرسنا مرة في الأسبوع وتعطينا واجب في كل حصة يعني بعد اسبوع بتشيك عليه كل مرة اكتب الواجب هو ما يباله شي انقل السؤال واكتب الجواب من الكتاب في هاليوم نسيت اكتب هالواجب وهي بداية كل حصة تدور على الكل وانا ايلس اول صف جدام المدرسة بس هي يوم كانت تدور دارت على الصف الي على يسارنا (الي عند الباب ولمن وصلت آخر الصف يت على النص بس من ورا تخيلوا الموقف وانا ما حسيت اني مب كاتبة الواجب الي يوم خلصت نص الصف الي عدالنا واسال ربيعتي الي عدالي اي واجب وادور في دفتري (واكتشف اني ما كتبت الواجب) بسرعة طلعت قلم لون واحد والخط الحمد لله والشكر وانقل من ربيعتي مب عارفة اكتب ارتجف وحالتي حالة (هاي الأبلة معروفة في المدرسة يا ويل الي ما يكتب الواجب ولا نا يسوي الي تقوله) وصلت عندي وانا كاتبة الواجب
شو تتوقعون صار ؟؟؟
تخيلوا مرت من عندي اطالعت واجب الي عدالي وانا شافت ويهي بس (لوثوقها فيني مثل ما قلت لانها كانت واثقة من اختي
لو أدري ما نقلت وتعبت عمري
~::~
والله جان الا ع المواقف حدث ولا حرج .. من محرجة لـ طريفة
لجيدة لسيئة لحزينة لـسعيدة ما تم شي ..
أذكر مرة وانا في الثاني الثانوي .. كانت عندنا مدرسة أول الايام
مول ما كنت أحبها أحس بها جي ما تعطي ويه ..
بس عقب فتره انقلب الحال وصارت من أعز معلماتي أسير لها
في حصص الفراغ أرمس وياها أشكيلها همي .. ومرة بغيت أعبر
لها عن مدى اعجابي بتدريسها وأسلوبها .. عاد شغل مال أول
كتبت الها رسالة وعطيتها اياها عقب الحصة .. والا اليوم الثاني
تقول لي مشكورة ع رسالتج استانست عليها عاد انا احس قفط ويهي ..
ومرت السنين وتخرجت واتوظفت معلمة ولله الحمد ..
والا .. ألقى نفس معلمتي السابقة وياي في نفس المدرسة
بس هالمرة مب تلميذة ومعلمتها ..
صرت وياها زميلة مهنة .. 
~::~
وناااااااسة الحور الغيد أتمنى ألتقي بمعلمتي الي كنت أحبها نفسج
على فكرة عجبني وايد توقيعج تسلم الأيادي واشكر مرورج
من الصعب أن ننسى من نحب .. ومن عشنا في ظلهم فترة من الزمن … صحيح أني مررت ببعض المواقف السيئة لكنني إلى اليوم أحب معلمتي هذه .. طبعًا هي الآن تركت التدريس وكأنها في وحدة القياس التقويم في وزارة التربية والتعليم .. أستاذتي الفاضلة أحلام حبيب ..
الموقف كان بسبب ذهابي في رحلة مدرسية وتغيبي عن الحصة .. وهي أشد ما كانت تكره غياب الطالبات .. بالعلم أنني استعنت بصديقاتي في جمع كل المعلومات من أجل فهم الدرس إلا أنني فشلت في ذلك ..
المهم في الحصة التالية سألتني أكثر من مرة وأنا أتلعثم ولا أعرف الإجابة حتى قلت لها "ما حضرت الدرس وحاولت أفهمه بنفسي لكن ما قدرت ؟؟؟" صرخت في وجهي معلمتي الحبيبة إلى أن أكدت رسوبي في مادة المواد الفلسفية … أذكر أنني بكيت ذلك اليوم من الساعة (11ص _ 7م ) لقد جفت دموعي وكتبت لها رسالة اعتذار بقيت في كراستي ووعد مني أن أكون أفضل توقعته لي وبالفعل كانت أعلى درجة في مادتها 99%
لك مني كل الود والاحترام والتقدير
سامحوني على الإطالة
عندي روايات وقصص
بدايتها في الصف الثاني الابتدائي في حصت الفنيه (الرسم )
المهم الابلهم دوم تزقرني ناصر وهل الاسم ما يقرب لي من جريب او بعيد
المهم مره قالت ناصر تم انته لين الفسحه شي رحله بنسير قلت والله اوكي رحله ليش ما بسير
وسرنا الرحله واستانسنا ويا جماعة الفنيه واصلاً انا مب مشارك في الفنيه
واذكر صف ثالث اعدادي حصلنا اجازه لمدة اسبووع
اكتشفو انه خلف مدرستنا بيوت واعشاش مال الثعابين والحنيش
عاد احنا استانسنا
واذكر صف رابع اساذ الانجليزي طرشني انا واربعه وياي عند الاخصائي لانه كنا مزعجين في الحصه
وقال اتصلو للبيت
المهم الكل اتصل وانا محد رد على التيلفون المهم بعدين قال امتب رقم بيتكم على الورقه
انا مرتبك كتبته من اليمين لليسار
وما اعرف شو استوى بعدين
والصف السادس استاذ الرياضيات اذكر انه كان يضرب بالعصاء اذا غلطت
واستاذ الرياضيات في الصف الاول الثانوي يقولون انه اتخبل بعد ما طلعت من المدرسة
ما الوومه كان يحط مسائل وهو يوط يصلح واحنا بعد انحوط وراه ان طالع الاجوبه وكانت السنه الوحيده الي في المدرسة ما فيها رسوب في صف اول الاعدادي ليش ما اعرف
واذكر استاذ الرياضيات يوم الخميس اخر حصه محد يحضرها على طول شرده وما يقول شي هوو
بس انا ايلس يقول انته ليش يالس سير وياهم قلت انته ياي اتعلمنا ولا اتشردنا
اتخبل قال انته اتحب العلم قلت هيه
ونجحت ودرجتي حلووه
واذكر في الصف ثالث اعدادي حطينا نفسالين في مكفات الصف وقلت استاذ ما اقدر اتحمل
عندي ضيق تنفس
وطلعت وبعدين الشباب قلدوني
واذكر كنت ادخل تيلفوني المدرسة صف اول ثانوي بس اول ما ايه احطه عند الاخصائي ويوم يستوي تفتيش يصادرون تيلفونات الشباب وانا استلم تيلفوني وبعدين قالي الاخصائي خل تيلفونك عندك انا ما بشله حتى لو سوينا تفتيش
اذكر الوكيل كان ماسك في ايده دفتر في النص حفره على شكل مربع طبعاً كان فيها علبة سجاير ما اعرف من اي صف
واذكر فزنا بمسابقة احلا صف ثاني ثنوي واول صف يدشن له موقع على الانترنت
واذكر اني كل يوم كنت ايب وياي بخور وعود وفحم واحرق في الصف ويشوف الاخصائي الولاعه في يدي وما يقول شي
واذكر المكتبه الي صبغناها ويا شباب الصف حتى انه الاخصائي قال رجعوها مكتبي بعدين
واذكر مره اني شغلت البولار لتسخين الماء ونسيته في المختبر ويوم كان يشرح الاستاذ طفر والاستاذ احترقت اصابعه يوم رفعه
ههههههههههههههههههه
اذكر استاذ الرياضيات من صف اول ثانوي لـ الثانويه العامه نفسه يدرسني
الصراحه احسن استاذ يعطيك قواعد عجيبه في الرياضيات
بطريقه سهله وتجذب الانتباه
وشفته مره في الوكاله بس ما عرفني
واذكر ايام امتحانات الثانويع العامه مراقبين واحد ورا والثاني جدام
الجدام صاحي مصحصح
والثاني راقد
خخخخخخخخخخخخخ
والسموحه على الاطاله
وحليلج اللؤلؤ المكنون بس ما شا الله عليج عوضتي ووفيتي بوعدج
أتمنى لك التوفيق الدائم
يالله يا ولد الامارات يا كثر مواقفك بس احلى شي موقف الاخصائي وحليله شكله كان يحبك ولا من أهلكم يمكن؟؟!!
أشكرك على إثرائك لمشاركتي
