الرواتب للمعلمات الجدد متى؟؟؟؟؟؟؟؟؟ 2024.

السلام عليكم ورحمة الله وبركاته

حد عنده فكرة متى بتزل رواتب المعيننين هالسنة؟؟؟؟

اللي عنده فكرة يخبرنا

سؤاااال وجيه
لا والله …انا اروحي ابا اعرف
لاني على ناااااار
اللي عنده علم …..يتفضل ويخبرنا

السلام عليكم
انا متعينة يديدة

ونزل معاشي آخر شهر9

وحتى ربيعاتي اليدد اللي وياي

أول راتب يستلمه الإنسان في حياته يوم تاريخي ! وجميع الأهل يكونوا طمعانين في الراتب !!!
ربنا يستر !! يعني راتب المعلمة تقريبا 10000 درهم !!! بس روراتب غير المعلمين أضعاف أضعاف !

أخوان هل لديكم فكرة في زيادة رواتبا أم ستظل مثل ما هي ، واذا ارتفعت كم راح توصل لأني وبصراحة محطي ببالي إني أدور على وظيفة ثانية بدل التربية وظيفة معاشها أقوى ، فاذا في رفع رواتب لن أقدم استقالتي واذا ما في شيء راح أقدم على وظيفة ثانية .

الرواتب بتنزل تاريخ 1 -11 للمدرسات اللي بدأوا مباشرة العمل من تاريخ 19 – 8 يعني بينزل الراتب حق شهرين ونص تقريبا
26000

طال الإنتظار ^_^

كيف نحن يوم سألنا قالوا لنا انهم ما عطوا حد و ما بيعطون لين اتيهم الكشوفات من الوزارة و عقب بيعطون ..بعد ما يكملون ثلاث شهور..
شو السالفة قاصين علينا

أنا يوم سألت قالولي على حسب الأسماء واستكمال كشوفاتهم

في دفعة نزل لها شهر 10

ودفعة بينزلهم شهر 11

والدفعة الأخيرة واللي أنا من ضمنهم مع إني مباشرة في المدرسة تاريخ 1982017

بتكون شهر 12

والأفضل إنكم تدقون للمنطقة لقسم المالية وتسألون لأنه مثل ما خبرتكم على حسب الأسماء

اي حد عطوه من منطقة الشارقة يخبرنا..

بسم الله الرحمن الرحيم

اخواني واخواتي المعلمين الجدد

انا اليوم بتاريخ

23/10/2017

كنت في منطقه ابوظبي للتعليم

وسالتهم عن متا الرواتب اللمعلمات والمعلمين الجدد

وحصلت الاجابه هي

ان شاء الله بتاريخ

1/12/2017

بيكون الراتب نازل حيث انهم الحين عاملين فيها

والسموحه هذا من كلام الموظفه لي راجعتها

الله يبشرج بالخييييير يا همس الليالي
ملينا الانتظااار
بس كل تأخيرة وفيها خيرة
وما اوصيكم اول مانستلم نبا حفلة في المنتدى

اتفقـــــــــــــــــــــــــنا

بس جذي وايد طولوا اكثر من ثلاث شهور.. بصراحة وايد

حرام 3 شهور..!!

العام أنا كنت يديده..ونزل راتبي آخر 10 ..وأول مرة سرت المنطقة استلمته..وكان شيك..ما نزل في حسابي..ومن الشهر اللي عقبه تم ينزل في حسابي..!!

الله يصبركم..!!

أنا متعينة شهر 5 ونزل راتبي مع التصفية ، وعقبهاا ماشفت الراتب ،أكرف شهرين بدون راتب والسبب إهمال الموظفين في منطقة الشارقة التعليمية ، مضيعين ورقة المباشرة ولازم باجر أروح المدرسة واسوي لي مباشرة ثانية ، تخيلوا بعد هالفترة يطالبوني بالمباشرة مع اني مب مطالبة بتوصيل ورقة المباشرة هاي شغلة المراسل ، يعني باجر لازم اخذ شغل المراسل والسبب اهمالهم ، نصيحتي للمعلمات الجدد لا تهملون موضوع الراتب ، ولا تعتمدون على السكرتيرة لا على الموظفين في المنطقة ، تابعوا الموضوع بروحكم حتى لو اضطريتوا وطلعتوا من الدوام ، لاتستوون مثلي أوني ما أبغي أضيع حصص ، ياليتني تابعت الموضوع من البداية ، لاحقين على الكراف والهم .
واسمحوا لي .

صدقتوا والله حرام عليهم

انا سالت منطقة ابوظبي التعليمية … انا يديدة بعد

قالوا ::: 1/ 12

الله المستعان

حلاته دفعة وحدة ..

. الله يعينا إن شاءالله ويصبرنا ،، الواحد محتاج لهذا المعاش عشان يعرف يصرف نفسه بالتدريس مب يسوي كل شيء بالتقسيط بصراحة تعبت وأنا انتظر هالراتب عشان يساعدني في التدريس كشراء الهدايا والتعزيز وغيره

شكرا عالمرور
والله يعينا صراحة

أنصح كل من تم تعيينه أو ينتظر ترقية درجه أو أي علاوه أخرى أن يتابع ابتداء من المدرسة مرورا بالمنطقة وأخيرا الوزارة مع أن الوزاره الحين مفوضه المنطقة في هذي الأعمال . وخاصة تاريخ الكتاب الصادر ورقمه ربما فقد طريقه أو تناسى سبحان الله يستوي النسيان

صدق والله انا مب عارفة امشي اموري
بس الله يستر

شكرا عالمرور الطيب والتوضيح

الله يصبركم

الله كريم